муз. и сл. Махмуда Казанчикова

Тау къушну уясы - бизни Ата джуртубуз -
Ой, оюлмазлыкъ къалабыз.
Сенде туугъанла, сенде ёсгенле
Бизни атабыз, анабыз.

Къарачай Къобан башланады мындан -
Юч ёзенден акъхан юч суудан.
Къарачай халкъны керти Ата джурту -
Къартджурт бла Хурзук, Учкулан.

Къулакъ суучукъларынг, джай джолчукъларынг,
Къарап, тийренге барады.
Атала ишлеген кёб затынг энтда
Кёлден кёрюрча турады.

Къарачай атны сен, бизни халкъны
Кёб сакълагъанса джауладан?
Уллу Аллах келгинчи, эркинлик бергинчи,
Чыгъар мадар болмай тауладан.

Бу, элледен а багъалы ким болур,
Бу, ёзенледе туугъаннга?
Койнуна алыб, Къобанны суу бла
Анасы бетин джуугъаннга.

Ызынгдан жорта, къолунгдан тута,
Атанг бла жюрюрчю джерлеринг.
Бир биринги сюре, чалдышлагъа мине,
Сабийлик ойнаучу тенглеринг.

Эски Ата джуртубуз, багъалы элибиз,
Къарачай сенден чачылгъан
Къарачай халкъны керти ата джурту -
Къартджурт бла Хурзук, Учкулан.